Për protestën që do të mbahen ditën e sotme në kryeqytet përpara kryeministrisë, ka folur kryetari i Partisë Demokratike dega Vlorë Atird Hoxha. Hoxha u shpreh se nuk kanë marrë asnjë udhëzim nga kryesia për protestën pasi çdo gjë është në vullnetin e qytetarëve që do t’i bashkohen asaj.
“Gjatë gjithë ditëve që kur u shpall protestat e 7 korrikut kemi pasur takim me strukturat e PD. Kemi pasur takime me grupet e interesit që i kemi ftuar për t’iu bashkuar kësaj proteste. Rreziku i Shqipërisë është keqqeverisja. Nuk janë vetëm demokratët të rrezikuar por të gjithë qytetarët nga varfëria dhe largimi i bluzave të bardha. Do të ketë një pjesëmarrje masive. Ju do ta shihni vetë sepse ne shikojmë përditë që në degën e PD vijnë njerëz për të dhënë targat e makinave me të cilat do të udhëtojnë drejt Tiranës. Udhëzime nuk kemi marrë. Protesta është thirrur nga PD por i takon protestuesve për të parë si do të vijohet” – tha ai.
Discussion about this post