Qique Setien nuk do të jetë më trajneri i Villarrealit. Klubi spanjoll ka njoftuar me anë të një postimi në rrjetet sociale shkarkimin e teknikut pas rezultateve negative.
Villarreal e ka nisur sezonin në mënyrën më të keqe të mundshme, teksa në katër javët e para të La Ligas ka arritur të grumbullojë vetëm tre pikë.
Ndërsa disfata 3-1 kundër Cadizit ishte ajo që shtyu drejtuesit e klubit të merrnin vendimin drastik për shkarkimin e teknikut 64 vjeçar.
Setien e mori drejtimin e Villarrealit në tetorin e vitit të kaluar dhe e drejtoi ekipin në 39 ndeshje në të cilat mori 18 fitore, 6 barazime dhe 15 humbje, teksa sezonin e kaluar e mbylli në vendin e pestë duke siguruar një vend në grupet e Europa League. Megjithatë ishte starti i dobët i sezonit të ri ai që solli shkarkimin e trajnerit.
Setien ka qënë një trajner mediokër, me gjithë respektin që kemi për të. Të vetmet gjëra për të cilat mbahet mend, janë humbja 8-2 përballë Bayern, në çerekfinalet e Champions League 2019/20 (drejtonte Barcelonën) si dhe fakti që festoi një fitore përballë Real Madrid, duke përqeshur trajnerin merengue, Carlo Ancelotti.
Discussion about this post