Gjykata e Tiranës ka refuzuar kërkesën e gjyqtarit Agron Zhukri për t’u tërhequr nga kryesimi i trupës për të gjykuar ndryshimet e bëra në statusin e partisë Demokratike, dhe të miratuara në mbledhjen e ish-kryeministrit Berisha më 11 dhjetor.
Zv/kryetari i Gjykatës ka vendosur mospranim të kërkesës dhe në këto kushte është vendosur që çështja të gjykohet nga Zhukri.
“Ju informoj lidhur me kërkesën e depozituar në gjykatë nga ana e Partisë Demokratike me objekt “Depozitim ndryshimesh statutore dhe vendimmarrje të Kuvendit Kombëtar” ju bëj me dije se pas hedhjes së shortit, gjyqtar i çështjes është caktuar gjyqtar Agron Zhukri. Ky i fundit, pasi ka administruar dosjen gjyqësore ka paraqitur para Zv/Kryetarit të Gjykatës kërkesën për heqje dore nga gjykimi. Bazuar në nenet 72 dhe 73 të K.Pr. Civile, është vendosur “Mospranim i kërkesës”, nga ana e ZV/Kryetarit të Gjykatës. Në këto kushte çështja është në gjykim tek gjyqtari Agron Zhukri, në pritje për t’ju nënshtruar procedurave të shqyrtimit gjyqësor”, thuhet në njoftim.
Mbështetësit e ish-kryeministrit Berisha depozituan më 15 dhjetor ndryshimet statutore që u miratuar në mbledhjen e 11 dhjetorit, të thirrur nga ish-kryeministri Sali Berisha.
Discussion about this post