Prefekti i Durrësit, Roland Nasto deklaroi ditën e sotme se në Krujë do të shpërndahej ujë falas, pas ndërprerjes së furnizimit për shkak të helmimeve masive, ende nuk është shpërndarë asnjë autobot me ujë për banorët.
Ngjarja e rëndë ndodhi ditën e djeshme ku dhjetëra pacientë u paraqitën me simptoma helmimi në spitalin e Krujës, ku dyshohet që mund të ketë ardhur nga uji i pijshëm.
Deri më tani bëhet me dije se mbi 300 banorë kanë marrë mjekim në spital pasi dyshohet se janë helmuar nga uji i pijshëm, ndërkohë pritet të dalin edhe përgjigjet e analizave për të përcaktuar shkakun e vërtetë të helmimit të banorëve.
