Pas lajmit të gazetës “Mapo”, e cila duke iu referuar sistemit TIMS, shkruante se kreu i PD kishte udhëtuar në dy raste me biznesmenin e inceneratorëve drejtë Hollandës, ka reaguar Partia Demokartike.
Në reagimin e selisë blu, thuhet se Basha ditën e nesërme do të depozitojë kallëzim penal për shpifje ndaj gazetës “Mapo”.
Në njoftimin e PD, thuhet se shpifjet e ulëta vijnë nga persona që dje kanë mbështetur kandidatin e PS-së Orlando Rakipi dhe kanë për qëllim dëmtimin e figurës së kryetarit të Partisë Demokratike dhe t’i shërbejnë mafies së inceneratorëve.
“Lulzim Basha dhe PD kanë denoncuar që ditën e parë aferën e inceneratorëve, kanë bërë kallëzim në SPAK dhe për këtë çështje është ngritur edhe një komision hetimor nga Partia Demokratike. Shpifjet e ulëta që vijnë nga persona që dje kanë mbështetur kandidatin e PS-së Orlando Rakipi, kanë për qëllim vetëm të dëmtojnë figurën e kryetarit të Partisë Demokratike dhe t’i shërbejnë mafies së inceneratorëve. Asnjë shpifje, apo trillim i ulët, nuk do ta ndalë PD dhe Lulzim Bashën nga beteja për vetting-un në politikë, si rruga e vetme për ta pastruar politikën shqiptare nga llumi ku është zhytur në këto 30 vite” – thuhet në reagimin e Partisë Demokratike.
Kujtojmë se në një lajmë të gazetës “Mapo”, thuhej se në vitin 2018 Lulzim Basha ka takuar në Holandë 2 herë biznesmenin Klodian Zoto dhe që bazohej nga sistemi TIMS.
Discussion about this post