Këngëtarja e njohur, Fjolla Morina ka reaguar lidhur me lajmin se është arrestuar sërish ditën e sotme në Prishtinë. Ajo ka ndarë disa foto në rrjetin e saj social Instagram, ku shihet në ambientet e dyqanit të saj, përmbi të cilat ka shkruar: “Te dyqani jam”.
Ndërkohë, më herët avokati i këngëtares, Fanol Krasniqi, ka treguar se Morina thjesht është shoqëruar në stacion policor.
“Fjolla Morina nuk është arrestuar, ajo është shoqëruar në stacionin policor. Një zyre e bashkëpunimit juridik në Kosovë, nuk e ka shfuqizuar urdhëresën e gjykatës e cila e ka refuzuar ekstradimin, tash po presim njoftimin, Fjolla nuk është e arrestume”, është shprehur ai për mediat vendase.
Kujtojmë se, Fjolla Morina ishte shpallur në kërkim ndërkombëtar nga Interpoli, pasi mbi të rëndon akuza për trafikim të armëve dhe municionit në Shqipëri. Morina kërkohet nga 21 prilli 2021, një muaj pasi gjykata e Kukësit e dënoi me 6 vite burgim për “trafik të armëve dhe municionit”.
Arrestimi i Fjolla Morinës u bë në shtator të vitit të 2020, në pikën e kalimit kufitar Morinë, ku këngëtares iu gjet një armë zjarri pistoletë tip “Zoraki” me 23 fishekë.
Discussion about this post