Dashnor Sula ka shprehur shqetësimin dhe indinjatën e tij lidhur me veprimet e kryetares së Komisionit të Ligjeve, duke theksuar se ajo ka vepruar në mënyrë të papranueshme dhe në kundërshtim të hapur me ligjin. Sula ka theksuar se veprimet e saj kanë dëmtuar imazhin e Komisionit të Ligjeve dhe është e paimagjinueshme që një person në atë pozita të pengojë hetimet për kryetarin e bashkisë, Erion Veliaj. Ai kërkon që të bëhet një deklaratë publike nga të gjithë anëtarët e komisionit për të distancuar veten nga kjo sjellje dhe për të ruajtur integritetin e komisionit.
“Ky komision do të duhet të kishte pasur një qëndrim dhe nuk mund të kalojë në një gjendje kaq të heshtur. Të gjithë anëtarët e komisionit të ligjeve mazhorancë dhe opozitë së bashku të bënim një deklaratë të distancimit. Është e paimagjinueshme që kryetarja e komisionit të ligjeve të jetë personi që ka kryer veprime në kundërshtim të hapur me ligjin. Kudo mund ti ndodhë, por me një vetëdije të paparë në pengimin e hetimit të drejtësisë për kryetarin e bashkisë Erion Veliaj, kjo është e paimagjinueshme, e pafalshme. Prandaj unë do të kërkojë nga ju zoti drejtues i këtij komisioni që të kemi një deklaratë apo një prononcim që të distancohemi nga kjo sjellë që ka bërë kryetarja e Komisionit të Ligjeve, sepse ka dëmtuar rëndë imazhin e Komisionit të Ligjeve”; u shpreh ai.
Discussion about this post