U vetëplagos me armën e gjahut, përfundon në spital 72-vjeçari

Një 72-vjeçar është plagosur me armën e gjahut. Ngjarja ka ndodhur mëngjesin e sotëm në Maliq.

Policia njofton se i moshuari dyshohet se është vetëplagosur, ndërsa arma e gjahut është sekuestruar si provë materiale.

Njoftimi

Rreth orës 09:20, në fshatin Podgorie, Maliq, dyshohet se është vetëplagosur me armën gjahu, në banesën e tij, shtetasi B. P., 72 vjeç.

Shtetasi B. P. është dërguar në spital, për mjekim.

Arma e gjahut, të cilën ky shtetas e posedonte me leje, është sekuestruar si provë materiale.

Grupi hetimor po punon për sqarimin e rrethanave të rastit.