Urdhri i Farmacistëve ka reaguar lidhur me ngjarjen e rëndë të ndodhur në Vlorë ku Pamela Mërtiri e cila punonte si farmaciste i dha fund jetës së saj dhe të foshnjës 1 vjeçe duke u hedhur nga kati i pestë i pallatit.
“Komuniteti i farmacistëve dhe mbarë opinion publik u trondit sot nga ndarja nga jeta në mënyrë tragjike e koleges sonë Pamela Mërtiri dhe djalit të saj. Urdhri i Farmacistëve të Shqipërisë i shpreh ngushëllimet e sinqerta familjarëve, miqëve, kolegëve dhe gjithë të dashurve të tyre, për këtë ikje të parakohshme”, shkruhet në postim.
Në reagmin e bërë, urdhri i Farmacistëve ka shprehur ngushëllimet ndaj familjes së të ndjerës duke bërë edhe një lloj prezantimi për ata që nuk e kishin njohur personalisht.
“Kush ishte Pamela Mërtiri, për të gjithë ata që nuk patën fatin ta njihnin. Pamela lindi më 30.03.1987 në qytetin e Vlorës. Pas përfundimit të shkollës së mesme, ndoqi studimet e larta, dega Farmaci, pranë Universitetit Kristal, ku u diplomua në vitin 2011. Pamela jetonte dhe ushtronte profesionin e farmacistes në qytetin e Tiranës. Prej vitit 2014 ajo drejtonte subjektin e saj farmaceutik, farmacinë Mela Pharma në qytetin e Tiranës”, shkruhet në postim.
Ndarja nga jeta e Pamela Mërtirit ishte e papritur për kolegët e saj, ndërsa për ta ajo tani është një yll në qiell.
“Ndarja nga jeta e koleges tonë është një humbje e madhe jo vetëm për familjarët por dhe për të gjithë miqtë, kolegët dhe ata që e njohën dhe patën fatin të punonin me të. Lamtumirë kolege! Ti dhe engjëlli yt u prehshi në paqen e përjetshme!”, shkruhet në postim.
Ngjarja e rëndë që tronditi banorët e zonës dhe jo vetëm, ndodhur si pasojë e gjendjes së rënduar psikologjike që Pamela Mërtiri, po përjetonte që prej ndarjes nga bashkëshorti i saj.
Discussion about this post