Personi në foto është Adem Rusi, 38-vjeçari shqiptar i cili i dha fund jetës disa ditë më parë në furgonin e policisë, teksa po transportohej nga spitali drejt burgut në Greqi.
Gijotina.com arriti të sigurojë foton e të ndjerit në burgun grek. Më herët, vëllai i Ademit hodhi akuza të forta se ai nuk është vetëvraë, por është vrarë nga gardianët e burgut.
“Unë kisha folur 3 orë para ngjarjes me vëllain në mënyrë private, më pas më morën në telefon dhe më thanë se e kemi dërguar në spital për vizitë mjekësore rutinë, më ka thënë drejtori i burgut. Pastaj më thanë që ka pirë klorofinë dhe pas kthimit nga spitali vari veten me lidhësen e këpucëve. Kjo për mua është e pa pranueshme është vrasje. Vëllai kishte edhe 2-3 muaj burg që të mbaronte dënimin. Ai ka folur me të gjithë njerëzit dhe askush nuk e beson që është vetëvrasje, atë e kanë vrarë gardianët ata që e kanë shoqëruar. Ngjarja ka ndodhur në makinën e policisë, sepse ata thanë që ishte vetëvarur në kangjellën e furgonit, kjo është e papranueshme, nuk lejohet shoqërimi i të burgosurit me rrip apo lidhëse për më tepër je me pranga dhe i shoqëruar”, tha Rusi.
Ndër të tjera, ai kërkon që autopsia e të vëllai të bëhet në Shqipëri, ndërsa shtoi se kanë qenë në prokurori për të nisur hetimet, por prokurorët i kanë thënë që nuk kanë akses.
Discussion about this post