Mëngjesin e sotëm u regjistruan dy raste të njëpasnjëshme të vetëvrasjes, Një në Roskovec dhe tjetra në Kurbin. Sakaq kanë dalë detaje të reja lidhur me 48-vjecarin Florenc Cjapi i cili u vetëvra me armë zjarri orët e para të mëngjesit të sotëm . Mësohet se 48-vjeçari jetonte në banesë me bashkëshorten e tij.
Viktima kishte tre vite që merrej me sera, ndërsa më herët ka qenë në emigracion.
Banorët jan ëshprehur të tronditur se kishte shumë borxhe dhe se kishte marrë gjithashtu edhe kredi. Për shkak të gjendjes së rënduar psikologjike, 48-vjeçari dyshohet t’i këtë dhënë fund jetës.
“Ishte shumë i mirë. Merrej me sera. Me ne shkonte shumë mirë. Kam dëgjuar që vuante nga depresioni dhe nga borxhet dhe kredia,” thotë një banor.
“Sot dëgjuam zhurmën, të qarat e të shoqes. Serat i kishte të mbjella. Njëra serë i dështoi dhe e shkuli. Ai ka marrë kredi, jo me lekët e tij se nuk kishte. Po kështu ishte njeri i sjellshëm. Fëmijët i ka në emigrim,” tregon një fqinja
