U vodhi 4 celularë pacientëve gjatë natës në spitalin e Vlorë, arrestohet – Video

Një 38-vjeçar është arrestuar nga policia e Vlorës pasi akuzohet se u vodhi celularët katër pacientëve në spitalin e Vlorës më 31 Gusht.

“Shërbimet e Komisariatit të Policisë Vlorë, pas marrjes së njoftimit se në dhomat e pacientëve në spitalin e Vlorës, ishin vjedhur disa celularë, kanë kryer të gjitha veprimet hetimore dhe bazuar në pamjet filmike dhe në provat e tjera të siguruara, kanë finalizuar operacionin policor të koduar “Storm 24”. Si rezultat, u bë identifikimi dhe arrestimi i autorit të dyshuar të vjedhjes, shtetasit: A.M., 38 vjeç, banues në Vlorë”, njoftoi policia.

Nga veprimet hetimore, shtuan të njëjtat burime, dyshohet se 38-vjeçari, më datë 31.08.2024, gjatë natës, ka vjedhur 4 celularë të pacientëve që merrnin mjekim në spitalin e Vlorës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme, mbyllet njoftimi i bluve.