Deputeti i Partisë Demokratike, Asllan Dogjani teksa rendiste krimet dhe vrasjet në Shqipëri bëri disa gafa, duke bërë që deputetët në sallë të shpërthejnë në të qeshura.
Ai kujtoi vrasjen e një personi (Bujar Nasufi), por në vend të tij tha “vrasja e Fadil Nasufit…”, ky i fundit deputeti i PS.
“Sorry, sorry….” (më vjen keq, ndjesë), tha ai, ndërsa shtoi “Fadil, do të të zgjatet jeta më shumë mos u bëj merak…”.
Deputeti Dogjani kujtoi edhe një ‘viktimë’ tjetër, “Vrasja e Lulzim Bashës…”, tha ai dhe të qeshurat vijuan. Teksa shtoi: “Këtë e thashë për humor…”.
“24 janar vritet në Kamzë, 200 metra larg banesës, Lulzim Basha…Lulzim Visha. Këta e bëra për të qeshur, për humor. E bëra për të thënë që ju qeshni me vrasjet”, tha Dogjani
Discussion about this post