Disa ditë më parë një ngjarje e rëndë ndodhi në qytetin e Shkodrës. Xhaxhai vrau aksidentalisht nipin e tij 10-vjeçar me çifte teksa po e pastronte armën. Nga e shtëna aksidentale është plagosur në dorë dhe vetë 68 vjeçari.
Mediat italiane shkruajnë se 10-vjeçari me inicialet B.J,, ndodhej me pushime në Samrisht të Shkodrës, bashkë me prindërit e tij, vëllain më të madh dhe anëtarë të tjerë të familjes kur ndodhi tragjedia.
10-vjeçari Jakaj banonte në Casalguidi ku ndiqte shkollën, ndërsa i ati punonte atje.
“Në dëshpërim nuk ka mbetur vetëm familja e tij, por i gjithë komuniteti që e pa të rritej ndër vite”, shkruan media La Nazione.
Bëhet me dije se trupi i vogëlushit do të prehet në Itali, atje ku u lind dhe për aq vite sa jetoi krijoi miqësitë e para. Trupi i vogëlushit është dërguar në Casalgiudi të enjten.
Siç shkruajnë mediat, ata janë mobilizuar për të ndihmuar familjen Jakaj.
Sakaq prokuroria po vijon hetimet për zbardhjen e plotë të rrethanave të kësaj ngjarjeje të rëndë.
Discussion about this post