Bashkëshorti i 35-vjeçares shqiptare, Nevila Pjetri, që u vra me plumb në kokë në Itali, ka zbardhur detaje të reja nga ngjarja e rëndë që i mori jetën shqiptares.
Duke folur për emisionin “Me Zemër të Hapur” në News24, Leonard Marku thekson se ishte njohur me Nevilën në Itali dhe ishin bashkë prej një viti e një muaji.
“Nuk kemi fëmijë bashkë. Jam njohur me Nevilën në Itali. Ishim bashkë prej një viti e një muaji. Kemi pasur një marrëdhënie shumë të mirë”, shprehet Marku.
E reja shqiptare Nevila Pjetri, u vra me dy të shtëna me pistoletë të kalibrit 22 në kokë. Gjuajtja e parë është qëlluar në ballë, tjetra pas veshit të majtë. Ende mbetet për t’u sqaruar nëse vrasja ka ndodhur në vendin ku është gjetur kufoma apo diku tjetër.
Daniele Bedini është autori i dyshuar që është arrestuar për krimin. Nga hetimet ai rezulton me precedentë penalë për grabitje dhe i akuzuar për dy vrasje të zbuluara në zonën e Sarzana, në një hark kohor prej 24 orësh.
Hetuesit dyshojnë se 32-vjeçari mund të ketë kryer vrasje për herë të dytë, për të eliminuar personin që e kishte parë 2 ditë më parë teksa shqiptarja futej në makinën e tij. Teksa trupi i pajetë i Nevilës u gjet rreth orës 02:00 të së dielës, mbrëmjen e së martës u gjet trupi i një transeksuali.
Discussion about this post