Menturie Bici 53-vjeç, gjeti vdekjen pasi u qëllua disa herë në kokë e trup nga bashkëshorti i saj Qemal Bici 56-vjeç, ku ky i fundit pas krimit, i dha fund edhe jetës së tij duke u varur në një pemë.
Sipas të dhënave paraprake ka dyshime se krimi i rëndë të ketë ardhur si rrjedhojë e një xhelozie mes çiftit, ndërsa gruaja disa vite më parë kishte bërë edhe një denoncim për dhunë nga bashkëshorti.
Çifti kishte 4 fëmijë, ndërsa ka qenë djali i tyre 20-vjeçar që i ka gjetur të vdekur dy prindërit. Ndërkohë policia ka ngritur një grup hetimor dhe po punon për të zbardhur të plotë ngjarjen.
