Sokol Sinomataj, ose i njohur ndryshe si “Buzëderri”, do të marrë pjesë në ceremoninë mortore të djalit të tij, Gëzim Sinomataj, i cili u ekzekutua me snajper në ballkonin e banesës në në lagjen “Hajro Cakërri” pranë bulevardit të Vlorës më 7 Janar.
23-vjeçarit do t’i jepet sot lamtumira e fundit dhe varrimi do të bëhet rreth orës 11:00.
Burimet e policisë thonë se prezent në ceremoninë mortore do të jetë edhe babai i tij Sokol Sinomati, i cili ka marrë lejen e posaçme nga burgu dhe pritet të jetë në varrim shoqëruar nga policia.
Gëzim Sinomataj dyshohet se është është ekzekutuar për llogari të babait të tij, Sokol Buzëderri, anëtar i bandës së Gaxhait, por nuk përjashtohen as prishje të pazareve të drogës.
Xhaxhait të viktimës, Benard Sinomataj, më 4 janar 2022 i vunë tritolin pikërisht në një automjet poshtë ballkonit të shtëpisë ku ndodhi kjo ngjarje.
Discussion about this post