Arben Lleshi u vra në burgun e Peqinit dhe familjarët e tij tani ngrenë pretendime se viktima nuk është i afërmi i tyre. Në këto kushte Prokuroria ka vendosur të bëjë krahasim AND-ën me motrën e tij. Pas krahasimit te AND-ës do të jepet leja Bashkisë për të kryer varrimin e trupit.
Familja refuzon të kryeje ceremoninë e varrimit, nga frika e hakmarrjes, ata tani kanë ngritur pretendimet se nuk është i afërmi i tyre.
Kujtojmë se Arben Lleshi u qëllua për vdekje brenda burgut nga Sokol Mjacaj një tjetër i dënuar me burgim të përjetshëm. Gjatë këtij sulmi mbeti I plagosur edhe një I burgosur tjetër, Indrit Shaqja.
Lidhur me këtë vrasje, hetuesit që kanë marrë përsipër këtë çështje dyshojnë që Mjacaj ka vrarë bashkëvuajtësin kundrejt pagesës, por nuk ka mundur ende të identifikojë urdhëruesit. Mjacaj ka dhënë disa dëshmi para hetuesve, por këta të fundit thonë se ai jep alibi jo të besueshme, duke i keqorientuar në pistat e hetimit.
Viktima Arben Lleshi ishte dënuar përjetësisht për vrasjen dhe më pas djegien e Agim Hoxhës në Britaninë e Madhe në 2012. Pas kësaj ngjarjeje, familja Lleshi humbi dhe 4 pjesëtarë. Dy xhaxhallarët e Arben Lleshit, Xhavit e Hajredin Lleshi u ekzekutuan përkatësisht në 2013 dhe 2016. Ndërsa u zhdukën dy djemtë e xhaxhallarëve të tij, Artan e Klevis Lleshi, fati i të cilëve edhe sot nuk dihet.
Discussion about this post