Brilant Martinaj 23 është viktima e dytë e identifikuar nga atentatit në Fushë-Krujë, Njësojë si Diklen Vata, edhe Martinaj ka një të shkuar kriminale, çka hedhin dyshime se lidhet edhe atentatit i sotëm ndaj tyre. Brilant Martinaj, ishte shpallur në kërkim ndërkombëtar për vrasjen e efektivit të FNSH-së, Xhulio Prelës dhe sipas Euronews është djali i xhaxhit të Vis Martinajt.
Vite më parë, kur ai ishte vetëm 19 vjeç, Brilanti shfaqej në video në rrjete sociale duke udhëtuar me makina luksoze me shpejtësi të lartë, si dhe duke mbajtur me vete armë zjarri. Udhëtimi i tij gjithashtu shoqërohej me megafon si ato të Policisë, duke bërë thirrje që makinat e tjera t’i hapnin rrugën. Në një tjetër video të publikuar në profilin personal të Brilantit, shikohet një bisedë me një polic rrugor, të cilin 18-vjeçari e pyet nëse e njeh se kush është, pa iu dridhur qerpiku, edhe pse në automjet mbante armë apo shpejtësia me të cilën udhëtonte ishte e lartë. Polici tërhiqet nga ndalimi, shkëmben disa batuta me të riun dhe më tej e lë të vijojë i qetë udhëtimin. Sakaq, Brilant Martinaj mësohet se është shpallur në kërkim ndërkombëtar vetëm për faktin se natën e krimit, në 5 dhjetor 2020, ai rezulton të ketë lëvizur me makinë pikërisht në aksin rrugor ku u vra Xhulio Prela.
Discussion about this post