Pjerin dhe Gentjan Përjaku, babë e bir të cilët u vranë një natë më parë nga ish-dhëndri Besnik Pjetri në banesën e tyre do të përcillen paraditen e nesërme për në banesën e fundit.
Babë e bir do të prehen në varrezat e fshatit Prull në Lezhë. Lidhur me ngjarjen e rëndë bëhet me dije se trupat e tyre janë tërhequr nga morgu i spitalit të Lezhës ku i janë nënshtruar ekspertizës mjeko-ligjore.
Ndërkohë autori i ngjarjes së rëndë, Besnik Pjetri vijon të mbetet në arrati që pas kryerjes së krimit të rëndë. Pjetri nga fshati Troshan ishte babai i dy vajzave dhe prej 6 vitesh ishte divorcuar me bashkëshorten.
Gjate kësaj kohe ai kishte pasur konflikte te vazhdueshme me të dhe familjen e saj, madje ishte denoncuar dhe nga ish-gruaja në Itali dhe kishte bërë 2 vite burg.
Discussion about this post