Një ngjarje tronditëse ka ndodhur në Nju Orleans të Shteteve të Bashkuara të Amerikës. Mësohet se një 54-vjeçare është sulmuar për vdekje me thikë nga një i ri.
Sipas mediave të huaja, gruaja, e cila punonte shofere në Departamentin e Policisë së Nju Orleansit, është sulmuar me thikë nga një 29- vjeçar i identifikuar me emrin Brandon Jacobs, i cili i ka shkaktuar plagë të rënda, që i kanë marrë dhe jetën.
Ngjarja ka ndodhur në autostradën WestBank teksa Jacobs e ka filmuar viktimën dhe më pas videon e ka postuar në Facebook.
Sipas policisë, 54-vjeçarja Yolanda Dillon nga Marrero, u gjet e goditur me thikë disa herë brenda një automjeti dhe u dërgua në spital ku ndërroi jetë. Ajo po çonte Jacobs në hotel të enjten rreth orës 15:00 kur u sulmua. Gjatë një konference për shtyp të premten, sherifi tha se Jacobs kishte pranuar vrasjen.
“Rrëfimi i tij thoshte se ai u zgjua në mëngjes dhe vendosi se do të vriste dikë dhe vendosi që kjo do të ishte dita e tij,” tha sherifi.
Jacobs u arrestua brenda disa orësh nga krimi i tij dhe u akuzua për vrasje të shkallës së dytë.
Discussion about this post