Një 15-vjeçare shqiptare e cila ishte zhdukur që prej fillimit të kësaj jave është gjetur nga policia greke. Adoleshentja Fotini Giannopoulou ishte arratisur bashkë me një 22 vjeçar nga Shqipëria pasi e kishte njohur në Instagram. “Jam grindur sërish me prindërit dhe dua të largohem”, kështu i është shprehur Fotinija shoqes së saj 17 vjeçare, përpara se të largohej nga shtëpia.
Menjëherë pasi ishte larguar nga shtëpia, Fotini ka zhvilluar biseda online me një 22-vjeçar nga Shqipëria por edhe me shoqen e saj 17-vjeçare, të cilën e ka takuar në stacionin e metrosë në Anthoupolis.
“Të presim dhe të shohim”, thuhet se i ka shkruar e reja, 15-vjeçares, duke e çuar në shtëpinë e saj në Agios Panteleimonas, ku ishte e pranishme edhe nëna e saj 42-vjeçare.
Policia ka arrestuar të dyja femrat bashkë me 22-vjeçarin. Para se të mbërrinte në qendër të Athinës, Fotini ishte takuar me të riun nga Shqipëria dhe kishin kaluar kohën së bashku.
I i riu ka kontaktuar edhe një herë vajzën në Instagram dhe kanë lënë takim në sheshin Agios Panteleimon. Mëngjesin e së enjtes, policia greke ka lokalizuar 22-vjeçarin, i cili jetonte në një kamp rom në Aspropyrgos dhe me ndihmën e tij, ka mundur të gjejë 15-vjeçaren.
Tre të arrestuarit akuzohen se kanë rrëmbyer një të mitur, pasi e kanë bindur të largohej nga shtëpia.
Siç rezultoi nga hetimet paraprake, 15-vjeçarja doli vullnetarisht nga shtëpia e saj në Peristeri dhe u takua në stacionin e metrosë në Anthoupolis me 17-vjeçaren.
Në mbrëmjen e së njëjtës ditë, e reja ka takuar 22-vjeçarin në Aspropyrgos, kanë dalë me miqtë dhe mëngjesin e së mërkurës i riu e ka çuar në shtëpinë që strehohej në Agios Panteleimon.
15-vjeçarja iu nënshtrua ekzaminimeve në prani edhe të një psikologu për fëmijë. Sipas dëshmive të mbledhura nga policia vajza ka pasur përplasja të shpeshta me familjen e saj.
Më parë ajo ka pretenduar se ishte dhunuar, por nga ekzaminimi i mjekëve në spitalin e fëmijëve si dhe nga raporti i mjekëve nuk u zbulua ndonjë traumë e “dyshimtë”, shkruajnë mediat greke.
Gjithashtu mësohet se vajza nuk e kishte për herë të parë që largohej nga shtëpia, pasi të njëjtën gjë kishte bërë edhe në të kaluarën./Panorama.al
Discussion about this post