Zbardhen detaje të reja nga ngjarja në Lezhë. 30-vjeçari Amaros Deda, që dyshohet se kreu vetëvrasje me armë zjarri ka hyrë fillimisht në banesën e tij ku ka debatuar me nënën dhe gruan e tij. Më pas ai ka dalë në oborr ku është dëgjuar një e shtënë e vetme dhe i riu ka rënë përtokë.
Burime bëjnë me dije për gijotina.com se është njoftuar ambulanca e cila ka shkuar menjëherë në vendin e ngjarjes, por 30-vjeçari nuk i ka mbijetuar dot plumbit.
Forca të shumta policie ndodhen në vendin e ngjarjes dhe po hetojnë për të zbardhur rrethanat e plota të saj. Banesa e 30-vjeçarit ka kamera sigurie dhe pritet këqyrja e pamjeve filmike për të arritur në përfundim në lidhje me dinamikën e ngjarjes.
Gjithashtu është sekuestruar në cilësinë e provës materiale arma e zjarrit me të cilën dyshohet të jetë kryer vetëvrasja.
Discussion about this post