27-vjeçarja shqiptare e cila u plagos me thikë nga bashkëkombësja e saj në Greqi, ka vendosur ta falë këtë të fundit. Joana, e cila mori plagë thike në bark dhe në shpatull, tha se po e fal 25-vjeçaren, pasi ajo ka dy fëmijë për të rritur.
Ngjarja e rëndë ndodhi pak ditë më parë, me 25-vjeçaren që akuzonte Joanën se kishte një lidhje me bashkëshortin e saj. Ajo u godit me thikë në oborrin e shtëpisë të së motrës, ndërsa citohet të ketë thënë se autorja i dërgonte vetë asaj dhe prindërve të saj mesazhe kërcënuese për jetën. Joana tregon se ajo nuk kishte lidhje intime me burrin e 25-vjeçares, kishin thjeshtë shoqëri me njëri-tjetrin.
“Nuk e di pse e bëri këtë, po ta kisha përballë do të kisha folur bukur me të, nuk e di si erdhi dhe më goditi me thikë”, tregoi Joana.
“Unë dhe burri i saj jemi miq. Nuk ishim në një lidhje romantike dhe as nuk… Ajo është falur nga unë se ka dy fëmijë”, përfundoi 27-vjeçarja.
E akuzuara është ndaluar përkohësisht, ndërsa akuzohet për tentativë vrasje dhe shkelje të ligjit për armët. Gjatë pranimit të saj, e akuzuara pretendoi se ajo nuk donte ta vriste viktimën, por vetëm e kishte sulmuar atë për ta larguar atë nga burri dhe fëmijët e saj. Ajo është shfaqur e penduar dhe ka deklaruar para hetuesisë se i ka kërkuar falje 27-vjeçares nëpërmjet nënës dhe vëllait të saj që e kanë vizituar në spitalin ku po kurohet.
Discussion about this post