Uanda Nara, agjentja dhe bashkëshortja e futbollistit, Mauro Icardi, i ka konfirmuar sëmundjen gazetarit Angel De Brito.
Ndërsa mediat në Argjentinë kanë raportuar se ajo vuan nga leukemia, biondja zbuloi se do të vazhdojë trajtimin e saj në Milano, i cili tashmë ka filluar në Argjentinë dhe pritet të jetë një proces i ngadaltë.
Gjatë një bisede të gjatë me Angel De Brito, Wanda ndau të gjitha detajet rreth gjendjes së saj, duke iu përgjigjur pyetjeve të tij, shkruan Marca.
Nara konfirmoi sëmundjen specifike me të cilën po përballet, duke e përmendur me emër.
Në lidhje me kohën e bërjes publike të sëmundjes së saj, ylli tregoi se është ende në shok dhe po përpiqet të përpunojë gjithçka. Ajo shpjegoi se kishte dëgjuar për raportimet në televizion para se të merrte konfirmimin zyrtar.
Bukuroshja zbuloi gjithashtu se ekipi mjekësor nuk dha një diagnozë përfundimtare derisa rezultatet e biopsisë ishin të disponueshme, gjë që ndodhi të enjten e kaluar.
Aktualisht Wanda ndodhet në Milano, por synon ta bëjë publike gjendjen e saj shëndetësore kur të ndihet më e qetë dhe pas kthimit në Buenos Aires.
Lajmi për sëmundjen e saj e ka lënë atë dhe të dashurit e saj në gjendje shoku dhe ata po përballen me situatën, teksa po kalojnë në këtë kohë të vështirë.
“Po i thosha Mauros : ‘Do të vdes dhe ata nuk më thonë’”, zbuloi ajo.
“Mauro donte të linte karrierën e tij, motra ime [Zaira] u kthye nga pushimet, nëna ime ishte shtrirë në dysheme, fëmijët e mi qanin për shkak të asaj që dëgjuan në media”.
View this post on Instagram
Discussion about this post