Chris LaCivita, arkitekti i fitores së Donald Trump në zgjedhjet e nëntorit 2024 në SHBA, por tashmë do të udhëheqë edhe fushatën e Sali Berishës dhe PD në Shqipëri, ka shprehur bindjen se në zgjedhjet e 11 Majit opozita do të rikthehet në pushtet.
“Unë sapo i ndihmova në mposhtjen e komunistëve dhe socialistëve në Amerikë. Kështu që është më se e logjikshme se ne duhet të vinim në Shqipëri dhe këtu të mposhtnim socialistët dhe komunistët.
Njerëzit nuk na kërkojnë ndihmë sepse ne kemi rekord humbjesh, përkundrazi, kemi rekorde fitoresh. Kemi besim se populli shqiptar do të zgjedhë opozitën sepse populli kërkon të shikojë një të ardhme për fëmijët e vet në Shqipëri dhe jo në Greqi.
Po, patjetër që jemi të njohur me situatën dhe disa prej taktikave që aplikon kryeministri aktual Edi Rama, të cilat nuk janë shumë dhe ato mbështeten tek intimidimi dhe tek korruptimi. Por këto aspekte nuk më frikësojnë mua, nuk më intimidiojnë aspak.
Përkundrazi, na bëjnë më të vendosur, që të duam të kthejmë shumë votues drejt mbështetjes për Berishën. Dhe nuk do të kenë shanse që t’i vjedhin. Kur njerëzit të shohin dallimet, në krahasim me atë çka kanë atje, dhe me atë që mund të kenë, patjetër që do të votojnë për opozitën. Patjetër që do të votojnë për Berishën. Sepse ai mund dhe do të fitojë.
Unë jam besimplotë se do të fitojë. Shqipëria ka nevojë për një qeveri të cilën nuk e drejton George Soros. Ka nevojë për nje qeveri të cilën e kanë zgjedhur shqiptarët. Nuk mund të jesh mik i George Soros dhe të jesh mik edhe i Shteteve të Bashkuara, është e pamundur, është njësoj sikur të përziesh vajin me ujin, nuk përzihen.
Mendoj se këto çështje duke përfshirë edhe ato, votën e shqiptarëve për mundësi më të mira, për kushte më të mira ekonomike do të nxjerrin në pah dallimet dhe populli shqiptar do të votojë për opozitën e bashkuar që mbështet Berishën”, u shpreh ai gjatë një interviste për Syri Tv.
Discussion about this post