Presidenti ukrainas Volodymyr Zelensky do të vizitojë Uashingtonin për të takuar presidentin amerikan Joe Biden të mërkurën, ka konfirmuar Shtëpia e Bardhë. Ky është udhëtimi i tij i parë jashtë vendit që kur Rusia nisi luftën në shkurt të këtij viti. Atij do t’i jepet gjithashtu mundësia për t’iu drejtuar Kongresit.
Ai rregullisht pret liderë të huaj në kryeqytetin, Kiev, dhe ka vizituar trupat përreth Ukrainës. Së fundmi bëri një vizitë të paparalajmëruar në qytetin e Bakhmut të martën. Zyra e Zelensky e pranoi zyrtarisht ftesën për në Uashington të premten e kaluar, përpara se vizita të konfirmohej përfundimisht të dielën.
Në një letër të martën, kryetarja e Dhomës Demokratike Nancy Pelosi u kërkoi anëtarëve të Kongresit që të jenë të pranishëm të mërkurën mbrëma.
“Ju lutemi të jeni të pranishëm për një fokus shumë të veçantë te demokracia”, ka shkruar Nancy Pelosi por pa dhënë detaje të tjera.
Presidenti ukrainas gjithashtu ka folur shpesh me liderët botërorë me telefon dhe me video telefonata, kryesisht nga zyra e tij në Kiev. Po kjo shënon vizitën e parë të tij jashtë vendit që nga fillimi i luftës dhe gjithashtu sinjalizon rëndësinë e marrëdhënieve të Ukrainës me SHBA-në.
Discussion about this post