Dy shqiptarë janë paraqitur para gjykatës së Saint Gaudens në Francë. Ata akuzohen për trafik dhe shitje të lëndëve narkotike. Sipas mediave franceze, 23-vjeçari shqiptar u kap në gusht të vitit 2021 në një mjet tip ‘Peugeot’ teksa transportonte 5.9 kilogramë amfetaminë ndërsa gjithashtu kishte me vete disa telefona celularë.
Nga ana tjetër 38-vjeçari u arrestua thuajse një vit më vonë pasi u bë lidhja e tij me një prej telefonave të sekuestruar në arrestimin e parë.
Gjatë kësaj kohe, hetuesit zbuluan se 38-vjeçari ishte tashmë subjekt i detyrimit për t’u larguar nga territori dhe se mbante kontakte të vazhdueshme telefonike me bashkatdhetarin e tij më të vogël, të burgosur, por me një celular që e kishte marrë në mënyrë të jashtëligjshme.
Nga përgjimet u zbulua se 38-vjeçari i jepte këshilla bashkëpunëtorit të tij në burg se çfarë t’u thoshte hetuesve, duke këmbëngulur që ai të mbante një version të caktuar me gjykatën, duke e bërë gjithashtu të kuptonte se do ta detyronte të dërgonte udhëzime nëpërmjet avokatit të tij.
Më i riu nga shqiptarët dëshmoi se të dy njiheshin shumë pak në Shqipëri dhe se u takuan rastësisht në Francë. Ai mohoi çdo lidhje (megjithatë nga përgjimet u zbulua se ai e quan të madhin “xio”, një deformim shqiptar, sipas përkthyesit, i italishtes “zio” që do të thotë “xhaxha”).
Nga ana e tjetër, më i madhi deklaroi se nuk kishte asnjë lidhje me akuzat ndaj bashkatdhetarit të tij. Ai përfundoi duke i thënë audiencës se ata ishin ” miq fëmijërie “.
Discussion about this post