Rusia nuk do të luajë ndeshjet kualifikuese për Kampionatin Evropian nën 17 vjeç. Këtë e ka bërë të ditur UEFA, e detyruar të tërhiqet pas vendimit për hapjen me ekipet e të rinjve rusë për shkak të kundërshtimit të disa federatave, përfshirë Ukrainën.
26 shtatorin e kaluar, UEFA hapi çuditërisht dritën jeshile për garat përfaqësueseve ruse për të rinjtë, një lëvizje që shkaktoi një ndarje në Ekzekutivin e UEFA-s me zv-presidentët e Anglisë, Polonisë dhe Uellsit, të cilët refuzuan të mbështesin propozimin dhe të paktën 12 prej 55 shoqatave anëtare që kishin konfirmuar refuzimin e tyre për të luajtur kundër Rusisë.
Gjatë dy javëve të fundit, stafi i UEFA-s ka vlerësuar përfshirjen e Rusisë në garat e të rinjve për meshkuj dhe femra. Sot, pas një mbledhjeje tjetër të komitetit ekzekutiv, UEFA deklaroi se, “pika e rendit të ditës është tërhequr pasi nuk është gjetur asnjë zgjidhje teknike për të lejuar ekipet ruse të luajnë”.
Discussion about this post