Kosova dhe Izraeli pritet të ndeshen më 12 nëntor në stadiumin “Fadil Vokrri” në Prishtinë.
Njoftimi është bërë nga UEFA të hënën, e cila e kishte ndryshuar orarin e ndeshjes. Takimi fillimisht ishte paraparë që të zhvillohej më 15 tetor, porpër shkak të rishpërthimit të luftës Hamas-Izrael u shty për një datë tjetër.
“Për shkak të situatës së sigurisë, UEFA-s iu desh të shtynte të gjitha ndeshjet e futbollit të planifikuara në Izrael në muajin tetor, duke përfshirë ndeshjet e ekipeve kombëtare për meshkuj, femra dhe të rinj.
Në dritën e kësaj dhe në konsultim me skuadrat e përfshira, tre ndeshje janë riorganizuar sa më afër dritareve ekzistuese ndërkombëtare të nëntorit, si më poshtë: Kosova kundër Izraelit, kualifikueset e UEFA EURO 2024, nga 15 tetor në 12 nëntor 2023.
Kazakistani kundër Izraelit, Liga e Kombeve të UEFA-s për femra, nga 26 tetor në 23 nëntor 2023.
Izraeli kundër Kazakistanit, Liga e Kombeve të UEFA-s për femra, nga 31 tetor në 26 nëntor 2023”, thuhet më tej në njoftimin e shtëpisë së futbollit botëror.”, thuhet në njoftim.
Ndeshja e parë në tokën izraelite ishte mbyllur me barazim 1-1.
Gjithashtu pas tri ditëve Izraeli do të luajë me Zvicrën.
Aktualisht Grupin e kryeson Rumania, e pasuar nga Zvicra, derisa Izraeli është i treti në renditje. Kosova gjendet në vendin e katërt.
Discussion about this post