Nisi në “Shtëpinë e Futbollit” UEFA Women’s Development U-15. Shqipëria e drejtuar nga Kreshnik Krepi u përball me Luksemburgun U-15 dhe në fund doli e mposhtur me rezultatin 0-3.
Trajneri shkodran kishte rreshtuar nga fillimi këtë formacion: Lusia Krraba, Desara Lorja, Hasije Jonuz, Marina Rushaj, Nejla Rakipaj, Albana Malaj, Kiara Syla, Audrina Lajthiza, Gurie Memetaj, Melina Kryemadhi, Kejsi Kacorri.
Vajzat luksemburgase e mbyllën pjesën e parë në epërsinë e dy golave, ndërsa në të dytën shënuan edhe një gol tjetër. Takimi i radhës për Shqipërinë U-15 është ndaj Maltës, të premten prej orës 14:00.
Ndërkohë paraditen e së mërkurës, u zhvillua edhe takimi i parë i këtij turneu, mes Ishujve Faroe dhe Maltës, që përfundoi me rezultatin e thellë 5-0.
Discussion about this post