Tashmë çdo gjë është akoma më e qartë, organizmi kryesor europian i futbollit, UEFA, ka prezantuar 4 të përzgjedhurit për sfidën e Egnatias së Rrogozhinës, që javën e ardhshme do të përballet me Ararat-Armenia në ndeshjen e kthimit, të fazës së parë kualifikuese të UEFA Europa Conference League, me përballjen e parë, që u mbyll me rezultatin 1 me 1.
Drejtimin e sfidës, UEFA ia ka besuar 4 gjyqtarëve bullgarë, ku në krye do të jetë Dragomir Draganov, me 42-vjeçarin, i cili nuk ka arbitruar kurrë më parë një ndeshje të një skuadre shqiptare, me Egnatian që do të jetë e para. Asistentët e tij, do të jenë, Ivo Kolev e Hristo Hadzhiyski, ndërsa arbitër i katërt do të jetë Stanislav Todorov.
Ndërkaq, kujtojmë se sfida Egnatia-Ararat do të zhvillohet mbrëmjen e 20 korrikut 2023, në orën 20:00, në stadiumin “Elbasan Arena”.
Discussion about this post