UEFA ka vendosur që të ndalojë tifozët e Shkupit që të udhëtojnë drejt Bullgarisë, për ndeshjen e kthimit ndaj Levskit, për ndeshjen e vlefshme për turin e dytë kualifikues në Conference League. Sfida në fjalë, do të zhvillohet në stadiumin “Georgi Asparuhov” të enjten (3 gusht) në orën 20:00.
Siç dihet, në ndeshjen e parë në Shkup, ka pasur incidente serioze midis tifozerive, ku tifozët e Levskit janë sulmuar, madje njëri prej tyre edhe është goditur me thikë. Më pas, ka pasur tension të rëndë dhe sherr mes policisë dhe mbështetësve të “bluve” para stadiumit.
Kështu, UEFA bëri të ditur, se tifozët e Shkupit nuk do të lejohen të mbështesin në stadium skuadrën e tyre në ndeshjen e dytë ndaj Levskit, ku sikurse dihet skuadra bullgare ka fituar me rezultatin 2-0 në ndeshjen e pare në transfertë.
Discussion about this post