Racizmi rikthehet sërish në temë diskutimi në kompeticionet europiane ku Roma dhe Lacio kanë përfunduar në bankën e të akuzuarve. Në sfidën e një ditë më parë në Konferencë Ligë ku Roma u mund 6-1 ndaj Bodo/Glimt një tifoz romak u shoqërua pas ndeshjes për shkak të koreve raciste ndaj kundërshtarëve. I njëjti incident ka ndodhur në sfidën tjetër ndërmjet Lacios dhe Marsejës. Klubi francez ka raportuar për thirrje raciste nga ana e tifozëve lacial.
“Përshkak të thirrjeve raciste ndaj lojtarëve tanë, klubi përsërit për dënimin maksimal ndaj të gjithë formave të diskriminimit”, shkruhej në reagimin e skuadrës së Marsejës. Nëse akuzat konfirmohen, UEFA do të marrë masa të ashpra ndaj skuadrave italiane.
