UEFA zbulon arbitrat që do të gjykojnë Partizani-Valmiera

Partizani do të luajë të enjten ndeshjen e kthimit ndaj Valmieras, e vlefshme për turin e tretë eliminator në Conference League.

Në takimin e parë që u luajt në transfertë, Letoni, Partizani ka fituar 2-1. Ndaj “demat” në “Elbasan Arena” do të synojnë kualifikimin në “Play-Off”.

Të kuqtë e Zoran Zekic janë vetëm 90-të minuta larg kualifikimit dhe kur duhen edhe 3 ditë për t’u zhvilluar sfida, UEFA ka zbuluar edhe gjyqtarët që do të vendosin drejtësi.

Arbitri kryesor do të jetë Sandi Putros, i cili do të ndihmohet nga Ole Kronlukke dhe Jakob Mastrup, teksa gjyqtar i katërt është Jacob Karlsen, të gjithë nga Danimarka.

Petros është shumë i njohur në Danimarkë, ndërsa në arenën ndërkombëtare ka nisur vetëm dy vitet e fundit të gjykojë sfida.

Këtë sezon ka vendosur drejtësi në sfidën mes Makedonija GjP- Rigas 0-1 dhe Sutjeska – Santa Coloma 2-0, të vlefshme për Conference League.