Ekzistojnë apo jo alienët është një pyetje që mundon njerëzimin dhe shkencëtarët prej kohësh. Histori nga më të ndryshmet janë treguar rreth tyre, por deri më sot asnjë provë nuk ka mundur të faktojë me siguri ekzistencën e tyre. Këtë herë një alarm i tillë është raportuar ndodhur në Topojan të Gramshit.
Banorët e këtij fshati janë të sigurt se janë vizituar nga UFO-t, të cilët më pas kanë lënë edhe shenjën e tyre nëpër toka. Shenjat, sipas banorëve, janë disa rrathë në arën aty pranë për t’u zhdukur më pas.
Nuk dihet ende se si qëndron ky pretendim në raport me të vërtetën, megjithatë deklaratat e banorëve kanë shkaktuar mjaft interes në zonë duke bërë që atje të shkojnë edhe grupe xhirimi nga media të ndryshme.
Discussion about this post