Ukraina lëshon paralajmërim për sulm ajror në mbarë vendin

Ukraina ka paralajmëruar një tjetër sulm ajror nga rusët që do të prekë gjithë vendin.

Kjo vjen pasi kryeqyteti i vendit, Kiev, shpalli një shtetrrethim 35-orësh për shkak të granatimeve të vazhdueshme.

Sulmet ajrore vazhduan në rajonin e Kievit gjatë natës, duke përfshirë në periferitë veriperëndimore të Irpin, Hostomel dhe Bucha.

Sot shënohet dita e 20-të e luftës në Ukrainë.

Të dyja palët kanë pësuar humbje të mëdha në konflikt dhe katër raunde të bisedimeve të paqes ende nuk kanë rënë dakord për një armëpushim ose një tërheqje të trupave ruse.

Megjithatë, një këshilltar i presidentit ukrainas Volodymr Zelenskyy ka sugjeruar se lufta është “në një udhëkryq” që mund të çojë në një marrëveshje paqeje – ose një ofensivë të përtërirë ruse.

Oleksiy Arestovych tha: “Ne jemi në një udhëkryq. Ose do të biem dakord për bisedimet aktuale ose rusët do të bëjnë një përpjekje të dytë (në një ofensivë) dhe pastaj do të ketë përsëri bisedime.”

Bombardimet vazhduan gjatë natës në kryeqytetin ukrainas, me dy ndërtesa banimi dhe një stacion metroje të goditur nga predha ruse. Të paktën dy persona kanë vdekur.