Kryeministri Edi Rama gjatë konferencës së përbashkët me kancelarin Olaf Scholz, i është përgjigjur pyetjes nëse ndihet i shqetësuar për anëtarësimin në BE të Ukrainës përpara Shqipërisë.
Rama u përgjigj në mënyrë të drejtpërdrejtë, duke thënë se kjo nuk mund të ndodhë.
“A ndihem i shqetësuar që Ukraina mund të hyjë më shpejt në BE sesa ne? Më vë pak në pozitë sepse duhet të them të vërtetët. Unë më shumë shqetësohem se mos Ukraina mendon se mund të hyjë më shpejt, jo se do hyjë më shpejt, kështu që do u thosha dhe atyre që e ushqejnë këtë iluzion për Ukrainën që mos e përdorin atë për të shprehur entuziazmin e tyre revolucionarë në instanca të ndryshme, se nuk duhet shumë shkencë për të kuptuar si funksionon BE, kjo nuk mund të ndodhë sipas meje, por dhe nëse do të ndodhte, nuk do të bëheshim xheloz”, tha Rama.
Kujtojmë që gjatë fjalës së tij, kancelari gjerman Olaf Scholz tha se sulmi në rusi tregoi se për demokracinë duhet të punohet çdo ditë dhe se negociatat për integrimin e Shqipërisë duhet të nisin menjëherë. Ai garantoi se Gjermania e mbështet integrimin e Shqipërisë në BE dhe do të kontribuojë për përshpejtimin e procesit.
Discussion about this post