Mbrëmjen e djeshme u mbajt finalja e madhe e “Eurovizion 2022”, ndërsa fituese u shpall Kalush Orchestra me këngën e titulluar “Stefania”, përfaqësues të Ukrainës.
Kënga ka qenë më e dëgjuara në rrjetin social YouTube ku tregon rreth situatës katastrofike të luftës në Ukrainë.
Pas çmimit të madh, vetëm disa orë më pas është publikuar edhe videoklipi i këngës që rrëmbeu zemrat e publikut dhe është bërë hit ndërkombëtar.
Pamjet e këngës janë xhiruar në vendet e shkatërruara, ndërsa shihen fëmijë që shpëtohen nga bombardimet dhe gra të cilat kanë braktisur gjithçka për të qenë në mbrojtje të vendit të tyre.
Discussion about this post