Ushtria ukrainase ka raportuar ditën e sotme se ka fundosur një anije ruse të tipit Serna që i përket flotës ruse të Detit të Zi. Lajmin e ka bërë të ditur zëdhënësi ushtarak, Serhiy Bratschuk përmes aplikacionit të komunikimit dhe rrjetit social Telegram.
“Në ujërat e Detit të Zi, u shkatërrua një mjet zbarkues armik i tipit Serna”.
Ai gjithashtu ka publikuar edhe një video ku pretendonte se tregonte një dron që gjuajti anijen. Autenticiteti i pamjeve nuk mund të verifikohej në mënyrë të pavarur.
Mësohet se fillimisht nuk ka pasur asnjë reagim nga pala ruse.
Një ditë më parë, gazetarët ukrainas kishin raportuar se një anije luftarake ruse ishte qëlluar dhe kishte marrë zjarr në këtë zonë megjithëse kjo nuk u konfirmua zyrtarisht as nga Kievi dhe as nga Moska.
Kohë më parë, ukrainasit patën goditur anijen ruse Moskva në Detin e Zi. Ajo cilësohej si anija më e madhe ruse.
Ukrainian Bayraktar TB2 destroyed another Russian ship. This time the landing craft of the "Serna" project. The traditional parade of the russian Black Sea fleet on May 9 this year will be held near Snake Island – at the bottom of the sea. pic.twitter.com/WYEPywmAwX
— Defense of Ukraine (@DefenceU) May 7, 2022
Discussion about this post