Aferat e Veliaj në bashkëpunim me miqtë e tij nuk kanë fund. Pak javë më parë Komisioni i Prokurimeve Publike i anuloi një tender Veliajt dhe krahut të tij të djathtë Taulant Fushës, drejtues i UKT. Të dy ata kishin zhvilluar në shkelje të hapur të ligjit tenderin prej 11 milionë lekësh. Por, si duket Veliaj dhe Fusha nuk kanë marrë mësim nga ai vendim i KPP dhe ka hapur një tjetër tender. Bëhet fjalë për një projekt me vlerë 4 milionë lekë për blerje interneti. Pjesëmarrëse në këtë garë ka qenë kompania “ABISSNET shpk”, e cila pretendon se UKT e ka paracaktuar fituesin dhe nuk ka vlerësuar siç duhet ofertat. “ABISSNET shpk” del në këtë konkluzion, pasi në ankesën e publikuar disa kritere në tender, të cilat ligji i prokurimeve nuk i kërkon dhe janë burokratike.
Së pari evidentohet si kriter i panevojshëm dhe që kufizon garën, fakti që edhe për furnizimin me internet UKT kërkon inxhinier të pajisur me certifikatë CS PS Core Newtork Planning. Por, ankimuesit shprehet se ai është kontrolluar nga AKEP për çdo dokument të nevojshëm dhe është i certifikuar tashmë, kështu që në këtë rast nuk është i nevojshëm një inxhinier me certifikim shtesë. “Referuar nenit 44 të ligjit për prokurimet, ne konstatojmë se për realizmin e shërbimit të kërkuar nga autoriteti kontraktor, që ka të bëjë me shërbimin e internetit, nuk është e nevojshme që operatori të ketë në staf një inxhinier, të certifikuar për standardin CS PS Core Network Planning. Pasi kjo certifikatë nuk është e lidhur drejtpërdrejtë me këtë shërbim. Pasi kemi të bëjmë me shërbim interneti dhe jo me planifikim të rrjeteve mobile si 2G, 3G , GSM dhe WDCMA”, thuhet në ankesë.
Ndërsa më tutje evidentohet se UKT nuk ka përmbushur parashikimet e VKM, e cila kërkon që autoriteti kontraktor të mos mbingarkojë me dokumente pjesëmarrësit në garë. Sipas ankimuesit përcaktimi i kësaj lloj certifikate ka pasoja skualifkuese në mënyrë të padrejtë për garuesit. Ndërsa theksohet se kritere të ndryshme janë vendosur për pjesëmarrës të ndryshëm në këtë garë.
Fitues i paracaktuar
Ankimuesi pretendon se fituesi është i paracaktuar dhe gara ishte fiktive për shkak se, e njëjta skemë është përsëritur edhe në vitin 2018. Pasi edhe në atë kohë Abissnet ka qenë në garë përballë Albtelecom për tender me të njëjtin objekt dhe është përjashtuar nga gara sërish për arsye diskriminues.
Ndër të tjera ankimuesi shprehet se UKT që nga 2013 i jep këtë tender të njëjtin objekt. Gjithashtu ankimuesi vë në dukje se UKT ka dhënë një fond limit shumë më të lartë, duke e rritur pothuajse çdo herë që zhvillon tenderin. Konkretisht në 2018 për këtë tender janë ofruar 1.8 milionë lekë, 2.5 milionë lekë dy vjet më vonë dhe tashmë shkoi në 4 milionë lekë. Ku sipas ankimuesit, ky shërbim mund të përmbyllet me më pak shpenzime./ E.H Gijotina.com/ UKT
Discussion about this post