Ministria e Shëndetësisë ka deklaruar ditën e sotme se, në 24 orët e fundit janë kryer 2,657 testime, nga të cilat kanë rezultuar pozitivë me Covid-19 rreth 405 qytetarë, me 35 raste më pak krahasuara me një ditë më parë.
Sakaq, bëhet me dije se nuk kanë mundur të fitojnë betejën me koronavirusin 8 pacientë, nga të cilët: Dy qytetarë nga Fier 51- 70 vjeç, një qytetar 56 vjeç nga Tropoja, tre qytetarë nga Tirana 61- 91 vjeç, një qytetar 67 vjeç nga Bulqiza dhe një qytetar nga Durrësi 72 vjeç.
Mësohet se, Janë 7,459 pacientë aktivë me virus në të gjithë vendin, ndërsa në spitalet COVID po marrin trajtim 150 pacientë, nga të cilët 18 janë në gjendje më të rënduar.
Lajmi i mirë është se, janë shëruar 149 qytetarë gjatë 24 orëve të fundit, duke e çuar numrin e të shëruarve në 188,593 që nga fillimi i epidemisë.
Discussion about this post