Paraditja do të ketë dominim të kthjellimeve në një pjesë të mirë të territorit, por herë as here do të ketë dhe kalime të pakta të vranësirave në territor. Parashikohet që sërish mesdita dhe pasditja t’i theksojnë vranësirat në vend duke sjell reshje shiu në shtrirjen Lindore dhe shumë më të pakta do të jenë në pjesën tjetër të Shqipërisë, ku në zona të izoluara priten dhe rrebeshe afatshkurtra.
Sipas MeteoAlb, temperaturat e ajrit do të ulen lehtë në mëngjes dhe në mesditë duke luhatur vlerat ditore nga 12°C deri në 35°C.
Era do të fryjë e lehtë dhe mesatare me shpejtësi 35 km/h nga drejtimi Verior – Veriperëndimor duke krijuar në brigjet detare dallgëzim 3 ballë.
Kosova
Kosova gjatë pjesës së parë të ditës do të jetë në dominimin e kthjellimeve dhe kalimeve të vranësirave në të gjithë territorin. Por pritet që në pjesën e dytë të ditës vranësirat do të bëhen më të shpeshta në vend, KU më të fokusuar do të jenë në zonat Jugperëndimore duke sjell reshje shiu.
Maqedonia e Veriut
Republika e Maqedonisë së Veriut në orët e para të ditës do të jetë me alternime kthjellimesh dhe vranësirash të cilat më të dukshme do të jenë në zonat perëndimore. Ndërsa në vijim vranësirat do të shtohen në vend, duke gjeneruar rrebeshe shiu të cilat më të dukshme do të jenë në Jugperëndim të Maqedonisë së Veriut.
Rajoni dhe Europa
Lindja e kontinentit dhe pjesa më e madhe e qendrës do të jetë në ndikimin e motit të kthjellët dhe kalimeve të vranësirave. POR në dominimin e kthjellimeve do të jetë Europa Jugperëndimore. Ndërsa pjesa tjetër e Jugut të kontinentit do të jetë herë pas here me vranësira të shpeshta të cilat do të gjenerojnë rrebeshe shiu. Gjithashtu me reshje të pakta paraqiten Alpet e Europës dhe vendet Nordike.
Discussion about this post