Shërbimi Meteorologjik Ushtarak bën me dije se ditën e hënë vendi ynë do të ndikohet nga kushte atmosferike relativisht të qëndrueshme për shkak të masave ajrore të lagështa me origjinë perëndimore.
Moti parashikohet me alternime vranësirash të cilat do të jenë kryesisht re të mesme dhe të larta si dhe intervale të herëpasherëshme kthjellimesh.
Në mesditë deri pasdite parashikohen reshje të dobëta shiu në formë pikash kryesisht përgjatë relieveve kodrinore – malore të vendit.
Parashikohet mjegull / mjegullinë në orët e mëngjesit në zonat luginore dhe në momentin e reshjeve të shiut.
Era do të fryjë me drejtim jugperëndim-veriperëndim me shpejtësi mesatare 1-6 m/sek, ndërsa përgjatë vijës bregdetare e lugina era fiton shpejtësi deri 9 m/sek shoqëruar me valëzimin në dete të forcës 1-2 ballë
Discussion about this post