Ulet çmimi i naftës në tregun ndërkombëtar, bordi në Shqipëri e mban 261 lekë

Në tregun ndërkombëtar çmimi i naftës është ulur ndjeshëm këtë të mërkurë. Burime bëjnë me dije se çmimet ranë në nivelin e tyre më të ulët në rreth një muaj.

Një fuçi (159 litra) e tipit Brent të Detit të Veriut kushtoi 110,75 dollarë mëngjesin e së mërkurës, 3,90 dollarë më pak se të martën. Çmimi i një fuçie nafte amerikane ËTI ra me 4,08 dollarë në 105,44 dollarë.

Çmimet e naftës janë ende rreth 40 për qind më të larta se në fillim të këtij viti. Kjo ka të bëjë me pushtimin rus të Ukrainës dhe sanksionet perëndimore kundër Rusisë. Ky vend është një nga furnizuesit më të mëdhenj të naftës në botë.

Sakaq në Shqipëri pavarësisht uljes në bursë, çmimi i naftës vijon të jetë në një nivel rekord prej 261 lekë për litër naftë.