Covid-19 vijon të regjistrojë shifra të larta të personave të infektuar në vendin tonë, ku në 24 orët e fundit nga 3572 testime që janë bërë, janë shënuar 441 raste. Ministria e Shëndetësisë raporton për 10 humbje jete, por gjithashtu dhe për 628 pacientë të shëruar.
Tirana shënon numrin më të lartë të të infektuarve nga koronavirusi, e ndjekur më pas nga Fieri, Elbasani, Durrësi e me radhë qytetet e tjera. Rastet aktive janë 6365 në të gjithë vendin.
Aktualisht në Spitalet Covid, po marrin trajtim 146 pacientë, nga të cilët 22 janë në gjendje më të rënduar.
