Biznesi i vogël dhe i mesën në shenjë proteste do të ulë qepenat e dyqaneve duke ndaluar në këtë mënyrë dhënien e shërbimeve ndaj qytetarëve për rreth një orë.
Gjatë një njoftimi për mediat, Bordi Drejtues i Shoqatës të Biznesit në Shqipëri i ka ftuar subjektet që të shpallin grevën nga ora 10:00 deri në 11:00 të ditës së diel.
“Shpallje GREVE, LAJMËRIM: Ditën e diel, dt. 31.10. 2021. Ora 10.00-11.00 Shpallim grevë 1 orëshe në qytetin e Tiranës. Mbyllim qepenat e subjekteve private dhe ndalojmë dhënien e shërbimit ndaj qytetarëve. Ftojmë gjithë biznesin anëtarë të shoqatës apo jo ti bashkohet grevës. Vendimi u mor nga: Bordi Drejtues i Shoqatës të Biznesit të Vogël dhe të Mesëm të Shqipërisë”, thuhet në njoftim.
Ata shprehen se do të marrin këtë hap për shkak se nuk janë ndihmuar nga qeveria ashtu sikur i premtoi dhe që pas pandemisë janë në krizë të thellë financiare.
