Tallje e qytetarëve nga Kryeministri Edi Rama e cilëson kryetari i Grupit Parlamentar i PD, Gazment Bardhi vendimin për uljen e çmimit të energjisë elektrike.
Në një postim në “FB”, Bardhi thotë se “pasi e rriti çmimin e enrgjisë me 30 përqind, duke patur çmimin më të lartë në Rajon, sot quan historike që e ul me 1 lek për kilovat, por ndërkohë mbetemi përsëri vendi me çmimin më të lartë të energjisë se Kosova, Mali i Zi apo Bosnje Hercegovina”.
Bardhi shkruan se ishte Edi Rama që rriti për 10 vjet çmimin e energjisë nga 7.4 lekë në 9.5 lekë.
Më tej demokrati shprehet se “ulja e çmimit të energjisë nuk duhet të jetë masë vetëm për 10 muaj, apo masë për mashtrim elektoral, por një masë e përhershme veçanërisht për familjet në nevojë apo me të ardhura mesatare.”
Discussion about this post