Veprimet hetimore pas arrestimit të bujshëm të Ergys Agasit dhe ish-efektivit të policisë Uljan Shpataraku po vijojnë me në kryeqytet.
Menjëherë pas prangosjes së tyre në zonën e Plepave në Durrës, forcat e policisë kanë zbarkuar në zonën e “Liqenit të Thatë” në Tiranë.
Efektivët e policisë kanë ushtruar kontroll blic në banesën e Uljan Shpatarakut me urdhër të organeve të drejtësisë.
Hetuesit po këqyrin ambientet e banesës me qëllim sekuestrimin e pajisjeve elektronike, dokumenteve apo sendeve të tjera me vlerë hetimore.
Këto veprime procedurale konsiderohen me rëndësi kyçe nga SPAK-u për të zbardhur rolin e Shpatarakut dhe lidhjet e tij me Ergys Agasin në kuadër të dosjes së hetimeve për AKSHI-n.
Discussion about this post