Ulsi Manja paralajmëron izolime të tjera në regjimin “41 bis”

Ministri i Drejtësisë Ulsi Manja ka paralajmëruar se në regjimin “41 bis” do të futen edhe të dënuar të tjerë.

Gjatë një trajnimi të OSBE-së, mbi të drejtat e njeriut, për punonjësit e policisë në burgje, Manja tha se vetëm në muajin nëntor janë katër të dënuar që kanë lidhje me krimin e organizuar që janë futur në regjimin e posaçëm, ndërsa agjencitë ligjzbatuese po vlerësojnë rrezikshmërinë e të dënuarve të tjerë.

Manja tha gjithashtu se regjimi i ashpër po funksionon për të ndërprerë komandimin e “ushtarëve” për të kryer krime me urdhra nga burgu. Aktualisht në regjimin “41 bis janë izoluar 8 të dënuar të rrezikshëm, Aleksandër Llanaj, Fatmir Pjetri, Redjan Rahja, Arbër Çekaj, Arbjon Aliko, Emiljano Shullazi, Endrit Qyqja dhe Genci Balla.